ဆာရီယာယ်လစ်ဇင် ကြေညာစာတမ်း

ကျမ
အိပ်မက် တွေ ခဏခဏ မက်နေတယ်
ဘဝ အိပ်မက်ပဲလို့ ယုံကြည်နေပြီး
မျှော်လင့်ချက် အပြည့်နဲ့
နွေအိပ်မက်ထဲ ဇွတ်တိုးဝင်တယ်
ကျမရဲ့ ကျေနပ်စရာကောင်းတဲ့
အိပ်မက်တခုရဲ့ သီအိုရီကို
သူတို့ ချ ဆွေးနွေးတော့
ဟင့်အင်း
ဟင်းလင်းပြင်ပါ
ဟင့်အင်း
အမဲရောင်ပါ
ဟင့်အင်း
နံရံပါ
ဟင့်အင်း
မီးခိုးတွေပါ
ငြင်းချက်ထုတ်ရင်း
ကျမ
ဆာရီယာယ်လစ်ဇင် ကြေညာစာတမ်းကို
ဖြန့်ဝေ လိုက်တော့တယ်။

နေဝင်ချိန်တခုမှာ
လယ်သမားတယောက်ဟာ
ကောက်ပင်တွေပွေ့လို့
လမ်းကျဉ်းလေး တခုကနေ
ဟိုး
အဝေးက ငြိမ်းချမ်းတဲ့ သူ့အိမ်လေးဆီ
ပြန်သွားတယ်
ကျမလည်း ပြန်ချင်တယ်
ကောက်ပင်တွေ ရိတ်သိမ်းလို့ မပြီးသေးဘူးလေ

ကျမပြန်လာတဲ့အခါ
ကျမရဲ့ နံရိုးနှစ်ချောင်းကိုဆက်ပြီး
အိမ်လေးတစ်လုံးဆောက်မယ်
ကျမ ရင်းနှီး ပြုစုခဲ့ရတဲ့
ဘဝ အစိပ်အပိုင်း တခုကို
လမ်းအဖြစ် ခင်းလိုက်ပါ့မယ်
ဆာလောင်မွတ်သိပ်တဲ့ အခါ
ဝမ်းတွင်း လေပြွန်ပိုက်တွေ ဖြတ်တောက်ပြီး
အစာအိမ်က တဆင့်
ရင်ခုန်သံဆီ ဆက်သွယ်ပေးပါ့မယ်

နေဝင်ချိန်တွေ မှာ
နှင်းဆီပျိုးခင်းထဲ လျှောက်ရင်း
စိတ်ကူးယဉ် ရိုမန်တစ်ဆိုတာ
ဆက်လက်တည်ရှိတော့မှာမဟုတ်ပါဘူး။

မသက်ဇင်

အဘီကေလ်ရယ် ဒိုးအိစံရယ်

ပထမဦးဆုံး ဒေါ်အောင်ဆန်းစုကြည် အား အာရှ လူ့အခွင့် အရေးဆု ချီးမြှင့်ခဲ့သည့် အာရှ လူ့အခွင့်အရေး ဖေါင်ဒေးရှင်း ၏ ခေါင်းဆောင် ဂျပန် ပြည်သူ့ လွတ်တော် ကိုယ်စားလှယ် တာကာကို ဒိုးအိစံနှင့် စာ ရေးသူ တို့အမှတ် တရ











နေ့မြင် ညပျောက်
ညတွေ က လည်း ခဏခဏ ရောက်
ဒိုးအိစံ ပြောတာတွေ က လည်း မှတ်လောက် သားလောက်
အဘီကေလ် ကို လည်း မမေ့ မပျောက်
အမေရိကန် လွတ်လပ်ရေး ရကာစ
အခြေခံ မူကြမ်းရေးဆွဲ သူထဲမှာ ပါဝင်သည့်
ခင်ပွန်း အက်ဒါဆင် အား
ဇနီးဖြစ်သူ အဘီကေလ်က ပြောခဲ့သည်။
ဒီမှာ အက်ဒါဆင်
ရှင်တို့
ရေးဆွဲဖို့ လုပ်နေတဲ့ အခြေခံဥပဒေသစ် မှာ
အမျိုးသမီးတွေရဲ့
အခွင့်အရေး ကိုတော့ မမေ့စေနဲ့ရှင့်
ရှင်တို့
ခေါင်းဆောင်တွေ အကျိုး ဆိုတာထက်
အမျိုးသမီးတွေ အတွက် စိတ်ကောင်း စေတနာထားပြီး
ထည့်သွင်း ဆောင်ရွက်ဖို့တော့ လိုတယ်။
အချုပ်အခြာ အာဏာကို
ခင်ပွန်းဖြစ်သူထံ ပုံအပ်ထားတာမျိုး
လုံးဝ
မရေးဆွဲမိဖို့ အဓိကပဲ
ကျမတို့
အမျိုးသမီးတွေ အပ်နှင်းထားတဲ့
ခေါင်းဆောင် ကိုယ်စားလှယ်တွေ မပါပဲ
ရှင်တို့ရေးဆွဲထားတဲ့
အခြေခံဥပဒေသစ်ကြီးကို ကျမတို့ အမျိုးသမီးတွေ
နာခံ ဆောင်ရွက်လိမ့်မယ် မထင်ပါနဲ့
ကျမ လေးလေးနက်နက် ပြောချင်တယ်

ပုံ
ဇနီး အဘီကေလ်အက်ဒါဆင်

နိုင်ငံတော် တည်ဆောက်မှု အစ ပိုင်းကတည်းက ယုံကြည်မှု ရှိခဲ့သော အမေရိကန် အမျိုးသမီးများသည် ၁၈၄၈ ခုနှစ် နယူးယောက် ပြည်နယ် ဆေနက်ကာ ဖိုးလူးတွင် အမေရိကန် ပြည်ထောင်စု၏ လွတ်လပ်ရေး ကြေငြာစာတမ်း ကို ကြွေးကြော် ခဲ့ခြင်းနှင့် အတူ အမျိုးသမီး အခွင့်အရေး ကြေငြာစာတမ်း ကို လည်း ထုတ်ဖေါ် ပြောဆို ခဲ့ပေသည်။

အိပ်မက်ရယ် အနမ်းရိုင်းရယ်

ကျမ ကို တုပ်နှောင်ထားတယ်လေ
ပညာတတ် လူတန်းစားအလွှာ
လူကလပ်စည်းတွေကြား
မျက်ရည်နှင့် ရှိုက်သံ-
ရှုပ်ထွေးလှည့်စားခြင်းများကို
ကျမ
တပွေ့တပိုက် မခုံမင် ပါဘူး

ကျမ ကို ဆာရီယာယ်လစ်ဇင်တွေ နဲ့
လာလာနှောက်ယှက်တယ်--
တခါတရံ --
မှော်အတတ်တွေနဲ့ ကျမ ပြုစားခံရတယ်
ကျူဗစ်အစ်ဇင်တွေနဲ့
ညအိပ်ချိန်တွေ
ခဏခဏ လန့် နိုးတယ်

အိပ်မက် ထဲ ပန်းပွင့်တွေ သယ်ဆောင်လာပြီး
အနမ်းရိုင်းတွေ လာလာပေးတတ်တယ်
ကျမကလည်း
အိပ်မက်ကို ချိုမြိန်စွာ
ရင်ခုန်နေတတ်ပြီလေ
နောက်ဆုံးတော့ သူ
ကျမ ကို အိပ်မက်မှာပဲ
ထားခဲ့ တော့ တာပါပဲ

မသက်ဇင်

ဒဂုန်တာရာ သို့ ကန်တော့ပန်း

၂၀၀၆ ခုနှစ်မေလ ၁၀ ရက် နေ့ တွင် ကျရောက်ခဲ့သည့် ဆရာ ဒဂုန်တာရာ ၏ ၈၇ နှစ်ပြည့်မြောက်တွင် ပြည်ပ နိုင် ငံ အသီးသီး တွင် ရောက်နေကြ သော ကဗျာ စာပေချစ်သူ လူငယ် များ စုစည်း ချိတ်ဆက်ကာ ဆရာ ဒဂုန်တာရာ သို့ အသီးသီး ဂါရဝပြု နှုတ်ခွန်း ဆက် ကန်တော့ ကြသည်။ ကျမ တို့ အားလုံး မိမိတို့ ရောက်ရှိ နေ ကြ သော နိုင်ငံ မှ တလှည့် စီ အချိန်ညှိ ကာ ဆရာနေထိုင်လျက် ရှိ သည့် ကလောမြို့ သို့ အလှည့်ကျ ဖုံးဖြင့် နှုတ် ဆက်ကြပါသည်။

ကျမ အလှည့် တွင် ဆရာဒဂုန်တာရာ ၏ ဆုံးမသြဝါဒ ကို ခံယူပြီး နောက် စိတ်ထဲ မှ ဆရာ့ အား ရည်စူး ကန်တော့ လျက် ဆရာ့ မွေးနေ့ပွဲ အတွက် ကျမ စပ်ထားသော ကဗျာတပုဒ် နှင့် ကန်တော့ ချင်ကြောင်း ပြောပြပြီး ကဗျာရွတ် ပြ ပါသည်။ ကျမ ကဗျာရွတ်ဆိုနေသည့် အချိန်တွင် ဆရာသည်ငြိမ်သက် တိတ်ဆိတ်စွာ နားထောင်လျက်ရှိပြီး ကျမ ကဗျာရွတ်ခြင်း ဆုံးသွားသည့်တိုင် ဆရာ ငြိ်မ်သက်တိတ်ဆိတ်မြဲ ဖြစ်နေ သောကြောင့် ကျမ က ဆရာ ဆရာ ဆရာ ဟု သုံးကြိမ် တိတိ ဆက်တိုက် ခေါ်လိုက်သည့် အခါတွင် ဆရာ့တုန့် ပြန်ထူးသံကို ကျမ ကြားလိုက် ရပါသည်။

ဒါပေမဲ့ ဆရာ့ အသံ အား ကျမ ခံစားမိလိုက်သည်။ ဆရာ့ အသံလှိုင်းသည် ကြေကွဲ ဆို့နင့်နေသည့် အသံ လှိုင်း ပါ လား။ ဆရာ မျက်ရည် ကျ မကျတော့ ကျမ မသိနိုင်ပါ။ သို့သော် ဆရာ့ရင်ထဲဝယ် ဆို့နင့်နေ သည် ကို တော့ ကျမ သိလိုက်ပါသည်။ ကျမ ကန်တော့ လိုက်သည့် ဆရာဒဂုန်တာရာ၏ ၈၇ နှစ်ပြည့် မွေးနေ့အတွက် အမှတ်တရ ကဗျာလေး အား ခံစားရန် ကျမ မျှဝေ ပေးလိုက်ပါသည်။

ဒဂုန်တာရာ သို့ ကန်တော့ပန်း

စာပေအနုပညာဟာ
ပြည်သူ ဘက် က ပါ တဲ့
ဆရာ ဒဂုန်တာရာ သြဝါဒ စကား
ကျမ ရဲ့ အသဲနှလုံးကြား မှာ
ထာဝရ သိမ်းထားလျက်ပါ ဆရာ

ဆရာရေး တဲ့
ပန်းနုရောင်အို
သဇင်သင်းပြန်တော့
အလက်ာ ကဗျာ
ဧရာဝတီ ယန်စီ ဗော်လဂါ

တန်ဘိုးကြီး သမိုင်းမှတ်တိုင်တွေ
စာပေသစ်ရဲ့ ခေါင်းဆောင်
ဆရာ့ကလောင်ကို မြတ်နိုး
စောင်းကြိုး နှင့် ကတ္တီပါ ကားလိပ်
ဆိတ်ဖလူးရ နံ့ လေး သင်းသလိုထင်
ရင်သိမ့်ခုန် မှတ်ယူ ခဲ့ရပါတယ် ဆရာ

ငြိမ်းချမ်းရေး ပိသုကာ
ဆရာသခင်ကိုယ်တော်မှိုင်း
အောင်ဆန်း သို့ မဟုတ် အရိုင်း
နက် ရှိုင်းတိုးဝင်

ကိုဗဟိန်း သို့ မဟုတ် ကဗျာ
ဆရာရေးတဲ့ ရုပ်ပုံလွှာ
ရင်မှာငြိတွယ် ခဲ့ရပါတယ် ဆရာ

ဆရာဒဂုန်တာရာ
အနာဂတ်တွေ လှမ်းကြည့် လို့
ထင်းရူးနံ့ သင်းတဲ့ ရှမ်းမြေမြင့်မှာ
စန္ဒယား တီးရင်း
ရွှေ ရောင် ညနေခင်းရဲ့ 
ထင်းရူးတောထဲ
လမ်းလျှောက် မြဲပဲပေါ့ နော် ဆရာ

ဆရာ ၈၇ နှစ်ပြည့်မှာ
ဆရာ့စာတွေကို ချစ်ကြတဲ့
ပြည်ပရောက် စာချစ်သူ တွေလေ

ဆရာ့ ထံ
အရောက် မလာနိုင်ပေမယ့်
မြန်မာပြည်သူတွေ နှင့်အတူ

ဆရာ လိုချင် တမ်းတ တဲ့
ငြိမ်းချမ်းရေး နှင့် ငြိမ်းချမ်းမှု
တွေလေ
မဝေးတော့သော ကာလမှာ
အမှန်တရားများနှင့်အတူ
သစ္စာ ရှိသူတွေ စုစည်းလို့ 

တနေ့  ဆရာ့ထံ

အသီးသီး ပြန် ရောက်လာ နိုင်မှာပါ ဆရာ။
မသက်ဇင်

ကျန်စစ်မင်း သို့ မဟုတ် ထီးလှိုင်ရှင် သို့  တမ်းချင်း

ပုဂံ မြေ ရယ်

ကျမ အချစ်တွေ ကို ထီးလှိုင်ရှင် နားလည် နိုင်ပါ့ မလား
သူရဲကောင်း ကို ချစ်တတ် တဲ့ ကျမ အလွမ်းမီးတောက် တွေ
အကြိမ်ကြိမ် လောင်ကြွမ်း မခံနိုင် တော့ ဘူး

ပုဂံမြေ ရယ်
ထီးလှိုင်ရှင် ကို ပြောပေးပါ အထီးကျန်ဆန် တဲ့ နှစ်များစွာ ကို
ကျမ မဖြတ်သန်း ချင်တော့ဘူး

တန့်ကြည့် တောင်တန်းတွေ ကို ထိုးခွဲ လို့ 
ဧရာဝတီ က ကျမ ကို လက်ပြ နှုတ်ဆက် ရင်း
စီးဆင်းမြဲ စီးနေ တယ် လေ

မင်းကျန်စစ်ပြော မယ့် နှုတ်ထွက်စကား တွက်
တလက်လက် မနက် တွေ ခဏ ခဏ လင်းစေချင်တယ်

ဖြစ်လေရာ ဘဝ တိုင်း သူရဲကောင်းရဲ့ အချစ်တွေ နဲ့ 
ကြည်နူး မှု တွေ ဖြတ်ဖြတ် လူး လို့ 
မိန်းမူးနေချင် သူ က ကျမ ပါ

ဖြတ်သန်းခဲ့ တဲ့ ပုဂံ ရာဇဝင်
ထီးလှိုင်ရှင် သူရဲကောင်း ကို မှ
ကျမ စွဲလန်း မိခဲ့ တယ်။ ။

မသက်ဇင်